Arqipeshkëvi i Tiranë-Durrësit e njëkohësisht presidenti i Konferencës Ipeshkvore të Shqipërisë, Imzot George Frendo, është shëruar nga koronavirusi, 42 ditë pas infektimit.
Lajmi është bërë i ditur nga Arqipeshkëvia Metropolitane Tiranë - Durrës që njofton se Imzot Frendo pritet të kthehet në Tiranë këtë të martë, të 15 dhjetor 2020.
Imzot Frendo, po ashtu falenderoi të gjithë ata që i kanë uruar shërim sa më të shpejt dhe janë lutur për të.
“42 ditë pasi doli positiv me Covid 19 dhe 30 ditë pasi u dërgua në Itali për kurim, të shtunën 12 dhjetor 2020, Mons. George Frendo, Arqipeshkvi Metropolit i Tiranë - Durrësit, Presidenti i Konferences Ipeshvnore të Shqipërisë, është deklaruar i shëruar totalisht nga virusi. Ai pritet të kthehet në Tiranë këtë të martë, të 15 dhjetor 2020.
Imzot Frendo, dëshiron të falënderoj të gjithë ata që e kanë uruar për shërim sa më të shpejt dhe janë lutur për të. Po ashtu - përshëndes përzemërsisht grigjen time shumë të dashur - thekson Imzot Frendo, nga Kuvendi i Fretërve Françeskan Kapuçin në Bari ku ndodhet aktualisht.”, shkruhet në rrjetin social të Arqipeshkëvisë Metropolitane Tiranë - Durrës. (A2 Televizion)
A2 CNN Livestream
MUND TE LEXONI GJITHASHTU
