Nj
Një aksident me një të vdekur dhe një të plagosur në aksin rrugor Kapshticë- Bilisht. Ngjarja ka ndodhur në një kthesë të fortë pak metra larg Stacionit të Policisë Kufitare, kur drejtuesi i mjetit 31-vjeçari Arjan Shtika banues në fshatin Hoçisht të Devollit duke lëvizur me shpejtësi tej normave të lejuara ka humbur kontrollin e mjetit dhe për pasojë është përplasur në barrierat mbrojtëse të rrugës.
Përplasja ka qenë kaq e fortë sa mjeti ka kryer disa rrotullime në rrugë për të përfunduar në kanal.
Nga përplasja drejtuesi i mjetit ka humbur jetën në çast ndërkohë që personi tjetër që udhëtonte me viktimën ka marrë plagë të shumta por jashtë rrezikut për jetën.
Burime policore thanë se në momentin e aksidentit aksi rrugor për shkak të reshjeve të shiut ka qenë me lagështirë dhe për shkak te shpejtësisë së madhe viktima e ka pasur të pamundur të mbajë nën kontroll automjetin Hyundai.
Në këtë vend duhet thënë se ka pasur edhe aksidente të tjera me pasojë vdekjen. (A2 Televizion)
A2 CNN Livestream
MUND TE LEXONI GJITHASHTU
