Ministrja e Punëve të Jashtme shqiptare, Olta Xhaçka, ka reaguar për aksidentin tragjik në Bullgari, ku humbën jetën 45 persona nga Maqedonia e Veriut.
Në një postim në Facebook, ajo thotë se viktimat ishin shqiptarë nga Maqedonia e Veriut dhe shpreh ngushëllimet për familjet e viktimave.
“Dhimbje e madhe për 45 jetët e humbura të shqiptarëve nga Maqedonia e Veriut gjatë aksidentit tragjik në Bullgari. Ngushëllimet më të sinqerta familjeve të viktimave dhe shërim të shpejtë të plagosurve. Shqipëria është pranë Maqedonisë së Veriut dhe popullit të saj në këtë moment të vështirë!”
Edhe kryeministri Edi Rama ka shprehur dhimbjen për aksidentin tragjik në Bullgari, ku humbën jetën 45 persona, mes të cilëve edhe fëmijë.
“S'ka fjalë për tragjedinë e autobusit nga Maqedonia e Veriut në Bullgari, ku kanë humbur jetën thuajse të gjithë udhëtarët... Dhimbje”, shkruan Rama.
Edhe presidenti shqiptar, Ilir Meta, ka reaguar për tragjedinë në Bullgari, duke shprehur "hidhërim të thellë".
Kreu i Partisë Demokratike, Lulzim Basha, ka nënvizuar humbjen “e kaq shumë jetëve të pasagjerëve, përfshirë shumë bashkëkombas tanë e mes tyre shumë të mitur. Ngushëllimet më të ndjera familjeve të viktimave. Zoti ju dhëntë forcë në përballimin e kësaj dhimbjeje të tmerrshme. (A2 Televizion)
A2 CNN Livestream
MUND TE LEXONI GJITHASHTU
