Bilanc lufte mund të cilësohen pasojat e aksidentit tragjik të ndodhur mëngjesin e së premtes, në autostradën Levan-Vlorë, pranë vendit të njohur si “Kriporja”. Si pasojë e përplasjes së dy mjeteve, njëri prej tyre ku udhëtonin katër persona të një familjeje, ka dalë nga rruga, duke pësuar dëme të tilla që nuk lejonin identifikimin e markës së mjetit.
Për pasojë, katër persona, dy të rritur dhe dy minorenë, anëtarë të së njëjtës familje kanë ndërruar jetë.
Ndërsa te mjeti tjetër, i përfshirë në aksident, janë plagosur tre persona, njëri prej të cilëve në gjendje të rëndë.
Mjeti ku ndodheshin viktimat ishte një Toyota me targa greke, ndërsa mjeti tjetër, Audi.
Familja e shuar në aksident, sipas policisë, ishte nga Patosi dhe jetonte e punonte në Greqi.
Sakaq, segmenti i autostradës Levan-Vlorë është bërë shpeshherë skenë e aksidenteve automobilistike, ku në të gjitha rastet, shkaktare kryesore ka qenë shpejtësia tej normave të lejuara.
E ndonëse aksidentet nuk kanë munguar, patrullat e policisë në këto ditë vere, që ka edhe shtim të trafikut, kanë munguar si me prezencë, ashtu edhe me matje të shpejtësisë. (A2 Televizion)
A2 CNN Livestream
MUND TE LEXONI GJITHASHTU
