Specialist i ISHP: Omicron na i hodhi poshtë të gjitha hipotezat

Alban Ylli, specialist i ISHP, u shpreh në Debat me Alba Alishanin se Omicron rrëzoi të gjitha hipotezat në lidhje me ecurinë e pandemisë.

“Në mënyrë të qartë, Omicron mbivendoset. Ai shkakton infeksion dhe personat që e kanë kaluar në mënyrë natyrale infeksionin. Omicron na i hodhi poshtë të gjitha hipotezat tonë. Unë parashikoja që në fund të këtij viti, ky virus do të kthehej nga pandemi në endemi, por duket se me Omicronin nuk do të bëjë më parashikime. Endemia nga ky virus mund t’i ngjajë një gripi pak më të ashpër dhe mund të kemi valë të vazhdueshme në vitet në vijim. Diskutimi për koronavirusin nuk do të mbyllet në këtë dimër”, tha Ylli.

I të njëjtit mendimi ishte edhe mjeku Sulçebe, i cili u shpreh se Omicron është më ngjitës, por ai theksoi se infeksioni do të jetë më i lehtë. (A2 Televizion)