Albin Kurti kritikon nismën “Open Balkan”: Hapje ndaj ndikimeve ruse e kineze

Nga A2 CNN
1 Gusht 2021, 17:09 | Politikë
Albin Kurti kritikon nismën “Open Balkan”: Hapje ndaj ndikimeve

“Nuk mund të them që jam i entuziazmuar me emërtimin “Ballkani i Hapur”, pasi duke qenë aty kreu i Serbisë që nuk ballafaqohet me të kaluarën e shtetit të tij dhe të vetes së tij, “Ballkani i Hapur” ngjan më shumë si Ballkan i hapur për ndikimet nga Lindja, sidomos nga Federata Ruse dhe Kina, si dhe Ballkan i Hapur për autokracinë, korrupsionin, kriminelët e luftës, siç e dimë që vazhdojnë të jenë masivisht, jo vetëm të lirë në Serbi, por jo pak prej tyre edhe në pushtet”.

Kështu e ka komentuar kryeministri i Kosovës, Albin Kurti, nismën “Ballkani i Hapur”, e cila bëri bashkë më 29 korrik në Shkup, kryeministrin Rama, Vuçiç e Zaev.

https://a2news.com/2021/07/29/nga-katastrofat-natyrore-te-levizja-e-lire-marreveshjet-e-nenshkruara-nga-rama-vucic-e-zaev/?utm_source=a2-related&utm_source=a2news&utm_campaign=general

Në deklaratën e tij të fundit, Kurti është shprehur se problemi kryesor në Ballkanin Perëndimor është mosballafaqimi i kreut të Serbisë me të kaluarën.

“Ne si Republikë e Kosovës konsiderojmë që problemi kryesor në Ballkanin Perëndimor është mosballafaqimi i kreut të Serbisë me të kaluarën. Përkatësisht me të kaluarën kriminale të Serbisë e cila i shkaktoi katër luftëra në dekadën e fundit të shekullit 20. Tregu i përbashkët duhet patjetër të shoqërohet me ballafaqimin me të kaluarën, me demokratizimin e vendeve tona dhe me sundimin e ligjit. Përndryshe do të kemi më shumë ngjarje që nuk ngelen në kujtesë sesa procese dhe struktura që ndryshojnë për së miri jetën e qytetarëve”, tha ai.

Gjatë takimit të Shkupit, kryeministri i Shqipërisë, Edi Rama, u shpreh se të gjitha vendet e Ballkanit Perëndimor janë të mirëseardhura në këtë nismë, por theksoi: “Boll me këtë, na ftuan, s’na ftuan”. (A2 Televizion)

https://a2news.com/2021/07/29/boll-me-na-ftuan-sna-ftuan-rama-nga-1-janari-2023-zero-sekonda-pritje-ne-kufij/

A2 CNN Livestream

Latest Videos