Ka shkuar në mbi 250 mijë numri total i të vaksinuarve në vendin tonë. Shifrat janë publikuar nga ministrja e Shëndetësisë Ogerta Manastirliu në Twitter, ku thekson se vetëm gjatë ditës së sotme janë kryer mbi 8 mijë vaksinime.
Shqipëria nisi vaksinimin në janar për personelin shëndetësor për të vijuar më pas me të moshuarit, personat e rrezikuar dhe mësuesit. Në fund të marsit nisi edhe vaksinimi masiv në vend, ndërsa aktualisht vijon vaksinimi me efektivët e policisë, gazetarët dhe personat mbi 65 vjeç.
Dozat e para të mbërritura në Shqipëri ishin të vaksinës Pfizer, ndërsa më pas AstraZeneca. Vendi ynë ndërkohë ka siguruar edhe një numër të konsiderueshëm vaksinash kineze. (A2 Televizion)
A2 CNN Livestream
MUND TE LEXONI GJITHASHTU
