Arsimi profesional, kërkesë e lartë në Durrës nga nxënësit dhe bizneset

Shkolla e mesme profesionale “Beqir Çela” në Durrës ka hapur dyert për nxënësit e shkollave 9-vjeçare dhe prindërit, duke synuar tërheqjen e nxënësve për të ndjekur arsimin e mesëm profesional.

Kjo shkollë është më e madhja në vend e arsimit të mesëm profesionale me dhjetëra degë e profesione. Për vizitorët, nxënësit e shkollës kishin reklamuar në panair, pajisje mekanike, sisteme hidraulike, elektrike të ngrohje-ftohjes si dhe një automjet të ndërtuar nga vetë nxënësit.

Interesi për arsimin profesional vijon të jetë në rritje dhe sipas drejtorit të shkollës “Beqir Çela”, kjo vjen edhe nga uria që ka tregu vendas për profesionistë.

Nisur nga kërkesat e tregut, aktualisht katër janë profesionet më të kërkuara, automekanik, elektroteknik, termo-hidraulik dhe teknologji informacioni. (A2 Televizion)