
Banka Qendrore Evropiane ka rritur të enjten normat e interesit për të katërtën herë radhazi.
Rritja, pavarësisht se jo aq sa në dy mbledhjet e saj të fundit, vjen pasi ECB paralajmëroi një rritje të mëtejshme të normave të interesit dhe parashtroi planet për të hequr paratë nga sistemi financiar në kuadër të luftës kundër inflacionit.
Banka Qendrore Evropiane ka rritur normat me një ritëm të paprecedentë me synimin për të frenuar rritjen e çmimeve që ka nisur që nga momenti kur ekonomitë u rihapën pas pandemisë COVID-19. Rritja e çmimeve u nxit edhe nga pengesat e furnizimit dhe më pas nga rritja e kostove të energjisë pas pushtimit të Ukrainës.
ECB për eurozonën 19-vendëshe rriti normën e interesit për depozitat bankare nga 1.5% në 2% të enjten, duke u larguar më tej nga një dekadë e politikës ultra të lehtë, që u keqpërdor nga rritja e papritur e çmimeve. (A2 Televizion)