Ferdinand Xhaferaj, deputet i Partisë Demokratike, i ftuar në studion e “Debat” nga Alba Alishani, në A2 CNN, deklaroi se “zgjedhjet e 6 marsit vërtetuan se alternativa e lidershipit të zotit Lulzim Basha nuk mbështetet në mënyrë dërrmuese”.
“Nuk mbështetet nga demokratët, nga elektorati i djathtë dhe ai gri. Prandaj kanë ardhur dorëheqjet, për t’i përcjellë mesazhin e fundit zotit Basha se dorëheqja nuk është fundi i botës. Po na bën me turp të gjithëve”, tha Xhaferaj.
Sipas tij, “mëngjesin e së hënës së 7 marsit, Basha nuk kërkoi ndjesë, por tha me paturpësi që nuk ka humbur asnjë garë”.
“Tani duhet të nisë të flitet për zgjidhje. Të djathtës shqiptare i duhet një zgjidhje përtej Bashës dhe Berishës. Të gjithë jemi në siklet kur flasim për Bashën dhe Berishën, sepse i kemi kolegë. E vërtetë, zoti Berisha përformoi më mirë sesa zoti Basha në këto zgjedhje. Por, të dy bashkë nuk arritën të mundnin dot Edi Ramën”, theksoi Xhaferaj. (A2 Televizion)
A2 CNN Livestream
MUND TE LEXONI GJITHASHTU
