Beyonce hapi edicionin e 94-të të çmimeve Oscar me një performancë të mrekullueshme, ku interpretoi këngën e saj "Be Alive", dedikuar komunitetit afro-amerikan. Në ceremoninë e këtij viti, ajo u nominua për këngën më të mirë origjinale në filmin “King Richard”. Filmi me protagonist Will Smith, tregon se si Venus dhe Serena Williams u bënë superyje të tenisit, pas stërvitjes nga babai i tyre Richard Williams.
Në vend që të ngjitej në skenë në Teatrin Dolby në Los Anxhelos, ku po zhvillohej ceremonia, këngëtarja performoi në një fushë tenisi në Compton, vend ku motrat Williams u trajnuan nga babai i tyre, dekada më parë. Asaj iu bashkua një grup me dhjetëra kërcimtarë të rinj dhe ndër to edhe vajza e saj, Blue Ivy.
Beyonce u rikthye në skenë pas dy vitesh, duke emocionuar shumë fansa. Hera e fundit që Bey u pa të këndonte, ishte në funeralin e Kobe Bryant, në vitin 2020. Vitin e kaluar, këngëtarja u shpreh për Harper's Bazaare se po punonte për një album të ri dhe se ka qenë vazhdimisht në studio që nga fillimi i pandemisë. (A2 Televizion)
A2 CNN Livestream
MUND TE LEXONI GJITHASHTU
