Marselo Bielsa mbahet mend si trajner i aftë, i rreptë por më së shumti i “çmendur” në disa veprime të tij. Nga Lacio në 2015 iku dy ditë pas prezantimit zyrtar, pi përherë kafe gjatë ndeshjes, detyroi ekipin e Leeds të mbledhë plehra për të kuptuar sakrificën e tifozëve për të blerë biletat dhe sheh mijëra video të kundërshtarëve, por tekniku argjentinas ndoshta nuk kishte arritur kurrë majën e ditës së sotme.
Ndeshja tradicionalisht e nxehtë midis Leeds dhe Aston Villa bëhet e zjarrtë kur ekipi i drejtuar nga Bielsa shënon me një lojtar kundërshtar përtokë, 18 minuta nga fundi.
Fillon një përleshje mes lojtarëve, por goli është i vlefshëm, dhe shumë i rëndësishëm për Leeds që ndodhet në vend të tretë në Championship dhe duhet të sigurojë një short të mirë në “play off”.
Por Bielsa ka kodin e tij, dhe pasi gjakrat ulen disi, dhe loja po rifillon, urdhëron me gjeste lojtarëve të tij të mos ndërhynë dhe të lejojnë golin e kundërshtarëve. Ekzaktësisht, kështu ndodh, me një lojtarë të vetëm, kapitenin që nuk kupton ose nuk e “gëlltit” dot urdhrin e argjentinasit. Një gjest që po bëhet viral, dhe shumë i rrallë në kampionate profesionistësh. (A2 Televizion)
A2 CNN Livestream
MUND TE LEXONI GJITHASHTU
