Bruce Willis heq dorë nga aktrimi

Aktori i njohur Bruce Willis ka vendosur t’i japë fund rrugëtimit të tij në botën e filmit.

Kjo pasi ai është diagnostikuar me një sëmundje e cila shkakton probleme në të folur, në të kuptuar, lexuar dhe të shkruar, duke i kthyer edhe veprimet më të vogla, në të pamundura për të.

Sipas familjes së tij, Willis vuan nga afazia dhe aktualisht është në stade të avancuara të sëmundjes.  

"Për mbështetësit e mrekullueshëm të Bruce, ne si familje donim të ndanim lajmin se Bruce ynë i dashur ka përjetuar disa probleme shëndetësore, dhe së fundmi është diagnostikuar me afazi. Për këtë shkak, Bruce do të largohet nga aktrimi i cili ka një rëndësi shumë të madhe për të", është shprehur familja e tij.

“Kjo është një kohë vërtet sfiduese për familjen tonë dhe ne jemi shumë mirënjohës për dashurinë, dhembshurinë dhe mbështetjen tuaj të vazhdueshme”, kanë shtuar ata. (A2 Televizion)