Kongresi i Partisë Socialiste më 9 prill ka edhe një rikthim, atë të Ditmir Bushatit, që do të jetë një nga katër folësit zyrtar. Por a është ky një rikthim formal apo një rehabilitim i plotë i ish-ministrit të Jashtëm që dukej një “yll” në rënie në politikën shqiptare?
Për Etjen Xhafa, deputet dhe sekretar digjital i PS-së, nuk mund të flitet për rehabilitim, por një rikthim, dhe në emisionin “Debat” shpjegon arsyet e tij.
“PS është parti ku debate ekziston haptazi, dhe asnjë nuk dëbohet për një qëndrim të caktuar mbi një çështje. Kam patur nderin të shërbej si zëvendës në Ministrinë e Jashtme”, thotë Xhafa, që shton se “Bushati është nga ata personazhe që i kanë dhënë shumë jetës politike dhe absolutisht që është potencial për të shfrytëzuar në akademinë politike të PS, që në thelb ka tërheqjen e të rinjve”.
Por pedagogu dhe analisti Ilir Kalemaj mendon se figura e Bushatit tregon për nivelin e ulët të demokracisë në kampin socialist. “Fakti që Bushati shihet si një lloj disidenti në PS tregon sa e ulët është niveli i demokracisë në PS, ai ka qenë gjithmonë korrekt, nuk ka parë ndonjë disidencë tek ai”, u kundërpërgjigj Kalemaj. (A2 Televizion)
A2 CNN Livestream
MUND TE LEXONI GJITHASHTU
