Ditët e fundit gjendja shëndetësore e opozitarit rus, Alexey Navalny ka shkaktuar një debat ndërkombëtar, kjo edhe pas grevës së urisë që ai ka nisur për mungesën e shërbimit dhe kushteve të këqija.
Për këtë arsye, shërbimi federal i burgjeve në Rusi bën me dije se disidenti 44-vjeçar do të transportohet në repartin spitalor në burgun e Vladimir, i cili është i specializuar për observimin mjekësor të të dënuarve.
Sipas njoftimit zyrtar të këtij shërbimi, gjendja shëndetësore e Navalny është e kënaqshme dhe nuk rrezikon jetën siç u tha në ditët e fundit nga mbështetësit e tij më të afërt. FSIN shton se Navalny vizitohet çdo ditë nga një mjek i përgjithshëm dhe me dëshirën e tij i është dhënë dhe një terapi me vitamina.
Por stafi i opozitarit nuk është dakord me këtë transferim. Sipas tyre, 44-vjeçari thjesht është dërguar në një godinë tjetër torture që thjesht ka një spital të madh për të sëmurët rëndë. (A2 Televizion)
A2 CNN Livestream
MUND TE LEXONI GJITHASHTU
