Vala e motit të keq që po godet Shtetet e Bashkuara të Amerikës ka shkaktuar deri tani 12 viktima. Kjo është raportuar nga mediat ndërkombëtare, sipas të cilave vdekjet në lidhje me stuhinë e dimrit kanë ndodhur nga aksidentet për shkak të rrugëve të akullta dhe borës.
Erërat e ftohta dhe të forta vazhdojnë të ngadalësojnë transportin. Buffalo në Shtetin e Nju Jorkut është aktualisht epiqendra e stuhisë së dimrit me erëra të akullta deri në 127 kilometra në orë.
Zyrtarët kanë lëshuar alarmin për ndalim të udhëtimit për qarqet Erie, Genesee, Niagara dhe Orleans për shkak të motit të keq.
Nga veriu në jug, 60% e popullsisë ose rreth 200 milionë amerikanë janë në alarm moti për atë që duket të jetë Krishtlindja më e ftohtë në 40 vjet. 'Cikloni bombë', një stuhi shpërthyese që po intensifikohet me shpejtësi, i ka ulur temperaturat në 40-50 gradë nën zero në shtetet veriore.
Temperaturat në Elk Park, Montana, u ulën në -45C, ndërsa qyteti Hell në Michigan ka ngrirë.
Një milion e gjysmë njerëz tashmë janë në errësirë dhe mbi të gjitha janë pa ngrohje. Dhe situata është e destinuar të përkeqësohet në orët në vijim.
Më shumë se 1000 fluturime në SHBA u anuluan për të shtunën pasi moti i rënduar i dimrit dëmton udhëtimet në mbarë vendin. (A2 Televizion)
A2 CNN Livestream
MUND TE LEXONI GJITHASHTU
