Vedat Muriqi ka harruar kritikat me fanellën e Lazios, ku nuk arriti të shndërrojë në gol rastet e pakta në dispozicion, dhe sot me fanellën e Kosovës është rikthyer sërish protagonist.
Ndeshja në vetvete nuk ishte shumë domethënëse, sepse përballë “dardanëve” ishin modestët e San Marinos, por gjithsesi të shënosh 4 gola në një ndeshje ndërkombëtare përben lajm.
Kjo ndodhi pikërisht me Muriqin, i cili shënoi në minutën e 27 dhe 45 të pjesës së parë, si dhe në fillimin e pjesës së dytë dhe në minutën e 75.
Sanmarinezët shënuan në fund të ndeshjes gjithsesi një gol në minutat e fundit, që nga ekipi i fundit në klasifikimet botërore festohet gjithmonë si një fitore.
Ndërkohë Muriqi ka rastin që me ikjen e Simone Inzaghit nga Lazio, të tregojë veten në fazën përgatitore ose të gjej një ekip tjetër. (A2 Televizion)
A2 CNN Livestream
MUND TE LEXONI GJITHASHTU
