“De-rusifikimi” i vendit, hiqet nga Odesa statuja e perandoreshës Katerina

Statuja e ish-perandoreshës ruse Katerina e Madhe në qytetin ukrainas të Odesa-s është hequr.

Monumenti i themelueses të Odesa-s fillimisht u vendos në qendër të qytetit në vitin 1900, por më pas u hoq nga sundimtarët e atëhershëm bolshevik në vitin 1920 përpara se këshilli lokal ta rivendoste atë në 2007.

Në atë kohë, meqenëse Ukraina ishte e pavarur nga Bashkimi Sovjetik për disa vite, vendasit donin ta kthenin statujën si një akt mirënjohjeje për themelimin e qytetit.

Por më 20 nëntor të këtij viti, autoritetet ranë dakord të heqin strukturën pas një votimi në internet nga banorët e Odesës.

Banorët reaguan me ndjenja të përziera për çmontimin.

"Unë mendoj se historia është histori. Sigurisht, ajo që ata (rusët) i kanë bërë Ukrainës sonë nuk është e mirë, por historia duhet të ruhet nëse është e mirë apo e keqe," tha një banor. (A2 Televizion)