Në veri në fshatrat e Hasit banorët thonë se reshjet e shiut dhe të dëborës, kanë shkaktuar përmbytje të rrugëve rurale, të cilat janë shkatërruar totalisht për shkak edhe të mungesës së investimeve.
Ndërsa në fshatrat e thella malore të Kukësit, shkëputja e energjisë elektrike me ditë të tëra është problemi kryesor me të cilët banorët përballen gjatë dimrit.
Me këtë shqetësim përballen edhe banorët e fshatit Kolesian. Sipas tyre rrjeti energjetik është i vjetër që nga koha e elektrifikimit dhe tepër i amortizuar.
Ndërkohë, bora dhe ngricat në rrugë vazhdojnë të jenë prezente në qarkun e Kukësit. Rrugët janë pastruar, por sërish rekomandohet përdorimi i zinxhirëve dhe gomave dimërore në akset rrugore të Kukësit, Tropojës e Hasit.
Firmat e kontraktuara për mirëmbajtjen dimërore kanë qenë në terren për pastrimin e borës dhe kriposjen e akseve. Në pjesën më të madhe të zonave që kishin probleme me energjinë janë riparuat defektet dhe është rikthyer energjia elektrike. (A2 Televizion)
A2 CNN Livestream
MUND TE LEXONI GJITHASHTU
