Kritikat publike të kryeministrit Rama për Kosovën nuk kanë marrë reagim nga Prishtina zyrtare. Duke treguar se si u pritën deklaratat e kreut të qeverisë nga politikanët kosovarë, gazetari Jeton Musliu argumenton dhe indiferencën e Prishtinës.
“Duan të distancohen nga presioni i Ramës, ndaj dhe nuk kanë reaguar”
Musliu, kritikat e Ramës, i sheh si vazhdimësi e qasjes së tij ndaj Kosovës.
“Rama ka patur gjithnjë qasjen që propozimet e tij nuk kundërshtohen. Ai ka vetëm të drejtë, e gjithçka që thotë duhet të implementohet nga politika e Kosovës”.
Analisti Ben Andoni, posimin e kryeministrit Rama, e sheh si aksidental.
“Reagimin e Ramës e quaj si një aksident. Duhet të jemi të ndërgjegjshëm për diçka, empatia për Kosovën nuk duhet të jetë vetëm për kohën e luftës, por edhe situatën aktuale. Kosova i ngjan diçkaje që akoma është duke lëpirën plagët e veta që nuk kanë ikur. Kosova ka shumë dhimbje dhe këto nuk janë vetëm nga 1999, por edhe shumë më herët”.
Këshillat e Ramës ndaj Kosovës për dialogun dhe lodhjen e Bashkimit Europian, për Jeton Musliun janë populiste, me të cilat kreu i qeverisë shqiptare merr një rol që s’i takon. Argumentimi i Musliut gjen mbështetjen e Ben Andonit.
Duke cekur iniciativën e Ballkanit të Hapur, Andoni shprehet skeptik për ecurinë e këtij procesi, ndërsa shprehet se nisma favorizon më shumë Serbinë.
Iniciativa ka ftohur dhe më shumë marrëdhëniet institucionale mes Prishtinës dhe Tiranës, por për Jeton Musliun, e rëndësishme është që paçka politikës, marrëdhënia e qytetarëve shqiptarë në të dy shtetet mbetet e pacenuar. (A2 Televizion)
A2 CNN Livestream
MUND TE LEXONI GJITHASHTU
