Diodato është triumfuesi i edicionit të 70 të festivalit të Sanremos. Me këngën “Fai rumore”, ai mundi në finale Francesco Gabbanin dhe i “Pinguini Tattici Nucleari”.
“Nuk po kuptoj asgjë, është një ndjenjë me të vërtetë shumë e çuditshme. Jam i befasuar”, u shpreh Diodato pasi u shpall fitues.
Këngëtari tha më tej se që prej ditës së parë ka përjetuar një pritje mjaft të ngrohtë, të cilën nuk e priste. Diodato u vlerësua edhe me çmimin e kritikës “Mia Martini” dhe atë të medias “Luccio Dalla”.
“Gjithë këto çmime ishin diçka e papritur. Mbushem me gëzim dhe ia dedikoj qytetit tim, Tarantos, i cili ka nevojë të bëjë zhurmë, për të gjithë ata që luftojnë çdo ditë në një situatë të paqëndrueshme”, theksoi këngëtari fitues. (A2 Televizion)
A2 CNN Livestream
MUND TE LEXONI GJITHASHTU
