Policia e Shkodrës ka proceduar penalisht 17 minorenë për shkatërrim prone dhe 8 persona të tjerë si organizues kësaj proteste, që çoi në shkatërrimin dhe djegien e selisë së PS-së së qytetit verior.
Mes të proceduarve është edhe kryebashkiakja e Shkodrës Voltana Ademi, e cila këmbëngul që ka njoftuar autoritetet policore, por ndërhyrja u bë 40 minuta me vonesë kur selia e PS-së ishte shkatërruar.
Gjithashtu policia ka proceduar edhe 21 shtetas të tjerë, për pjesëmarrje në tubime të paligjshme si edhe dy punonjës të zjarrfikëses së Bashkisë Shkodër, për shpërdorim detyre.
Policia e Shkodrës u bën thirrje prindërve që të mos lejojnë fëmijët të marrin pjesë në tubime dhe të përfshihen në veprime të dhunshme pasi në radhë të parë rrezikojnë jetën e tyre.
Gjithashtu apelon për të gjithë qytetarët dhe organizatorët që të mos organizojnë dhe marrin pjesë në tubime të paligjshme, aq më tepër në këtë kohë pandemie sepse është rrezik i madh për shëndetin e qytetarëve.
Njoftimi i Policisë
Më datë 12.12.2020, rreth orës 11:00, në qendër të qytetit të Shkodrës është organizuar një tubim i paligjshëm. Gjatë marshimit një grup të miturish kanë thyer disa banderola në sheshin “Nënë Tereza” dhe kanë tentuar të kryejnë veprime të dhunshme, por janë penguar nga punonjësit e Policisë. Nga sendet e forta dhe lëndët piroteknike të përdorura nga këta persona është dëmtuar një punonjës policie.
Më pas, pjesmarrësit në tubim janë shpërndarë në disa grupe dhe drejtime të ndryshme. Një grup personash është drejtuar te selia e një subjekti politik. Disa persona të mitur kanë ushtuar veprime të dhunshme duke thyer e shkatërruar xhamat e dyert dhe më pas kanë nxjerrë dhe djegur orenditë që ndodheshin brenda godinës.
Specialistët për Hetimin e Krimeve, në bazë të pamjeve filmike, kanë proceduar penalisht 17 minorenë, për veprat penale “Shkatërrimi i pronës me zjarr”, “Organizimi dhe pjesëmarrja në grumbullime e manifestime të paligjshme” dhe “Prishja e qetësisë publike”.
Gjithashtu janë proceduar si organizatorë të kësaj proteste, për veprën penale “Organizimi dhe pjesëmarrja në grumbullime e manifestime të paligjshme shtetasit V. A., A. S., A. Q., Z. Gj., S. H. , N. M., L. M. dhe I. Q.
Njëkohësisht janë proceduar për veprën penale “Organizimi dhe pjesëmarrja në grumbullime e manifestime të paligjshme” edhe 21 shtetas të tjerë.
Po në vijim të veprimeve janë proceduar penalisht për "Shpërdorim detyre", dy punonjës të repartit zjarrfikës, shtetasit T. M. dhe R. B., të cilët ishin në shërbim dhe kanë reaguar me vonesë pas njoftimit të bërë nga Salla Operative për të ndërhyrë në shuarjen e zjarrit para godinës së një subkjeti poltik.
Policia e Shkodër apelon për të gjithë prindërit që të mos lejojnë fëmijët të marrin pjesë në tubime dhe të përfshihen në veprime të dhunshme pasi në radhë të parë rrezikojnë jetën e tyre. Gjithashtu apelon për të gjithë qytetarët dhe organizatorët që të mos organizojnë dhe marrin pjesë në tubime të paligjshme, aq më tepër në këtë kohë pandemie sepse është rrezik i madh për shëndetin e qytetarëve.
Të Proceduar si Organizatorë të Protestës
Voltana Ademi (Kryetare e Bashkisë Shkodër),
Altin Salihi, (drejtor i Shërbimeve i Bashkisë Shkodër)
Ardit Qylybyli (nënkryetar i Bashkisë Shkodër),
Zef Gjoni (trajner i kombëtares së Boksit),
Selami Hoxha (shofer në Bashki),
Nikollë Marku ish-kryetar i komunës Velipojë PD)
Lekë Marku (inspektor Pallati i Sportit)
Isa Qallia (aktivist nga shoqëria civile)
Proceduar si Pjesmarrës në Protestë:
Pavlin Maci, Gëzim Kraja, Mentor Meta, Franc Mjeda (bashkëshorti i kryetares së bashkisë Voltana Ademi), Gjergj Livadhi, Nesti Kiri, Arvid Bushati (kryetar i FRPD), Edona Staka, Denis Reçi, Isak Ulqinaku, Sander Gjeka, Luigj Curri, Leonard Curri, Afrim Elbasani (polic bashkiak), Ariola Zafrima, Çesk Toma, Vinçens Gjergji, Emiljan Filipi.
Shpërdorim detyre për dy punonjës të zjarrëfikseve: Ridvan Bushati, Tom Makaj (A2 Televizion)
A2 CNN Livestream
MUND TE LEXONI GJITHASHTU
