Kjo e hënë mbyll dhe javën e 27 të Kategorisë Superiore, me dy ndeshje të forta. Vëmendje maksimale shkon padyshim te sfida, Partizani-Laci ku secila skuadër do të luftojë për objektivin sezonal.
Të kuqtë e Dritan Mehmetit nuk po kalojnë një formë të mirë, kjo pasi nëse do t’i referohemi statistikave, në 5 ndeshjet e fundit regjistrojnë vetëm një fitore, shumë larg asaj çfarë tifozët presin.
Mirëpo siç e theksoi dhe tekniku Mehmeti, në prag të sfidës, fitorja për kryeqytetasit është një detyrim nëse duan të arrijnë një vend në Kupat e Europës.
Edhe Laçi nuk është ajo skuadër e dy fazave të para. Kurbinasit kanë humbur thuajse çdo shpresë për të rivalizuar Tiranën, megjithatë për sa kohë matematika ia lejon, skuadra e Mirel Josës do të provojë deri në fund për t’u afruar.
Dueli i fundit është ai mes Vllaznisë dhe Kastriotit. Një ndeshje jo shumë të lehtë në letër për shkodranët që përballen me krutanët, një ekip që i ka hapur jo pak probleme skuadrave të mëdha. Megjithatë, nëse kuqeblutë duan të blindojnë vendin e katërt, fitorja është detyrim.
Kështu është shprehur dhe trajner Plori, i cili në prag të ndeshjes i dha zemër skuadrës kur tha se objektivi i Kupave të Evropës mund të arrihet. (A2 Televizion)
A2 CNN Livestream
MUND TE LEXONI GJITHASHTU
