Një incident i frikshëm në një stacion metroje në Bruksel, ka çuar në arrestimin e një burri, i cili akuzohet për vrasje të mbetur në tentativë nga prokurorët.
Ngjarja është regjistruar të premten e kaluar, kur siç shihet nga video burri e shtyn gruan në shinat e trenit vetëm pak sekonda se aty të kalonte treni. Fatmirësisht, makinisti arrin ta ndalojë trenin në kohë dhe gruaja i shpëton vdekjes për pak centimetra.
Sipas prokurorisë, shërbimet shëndetësore ndihmuan si gruan e rrëzuar, ashtu edhe makinistin, i cili e ndaloi trenin vetëm duke ngritur frenat e emergjencës.
Prokuroria tha se i arrestuari u largua nga vendi i ngjarjes, por u kap vetëm pak minuta më vonë në rrugët e Brukselit. Pasi u mor në pyetje ai u la në burg. Por ende nuk është zbuluar zyrtarisht cilat ishin arsyet që e çuan të kryente veprimin. (A2 Televizion)
A2 CNN Livestream
MUND TE LEXONI GJITHASHTU
