Më shumë se 1 milion njerëz mund të dalin në rrugët e Francës, për ato që janë cilësuar si demonstrata historike, më rastin e 1 Majit, kundër reformës në pensione. Përleshje shpërthyen në qytetin e Nantes, ku mijëra vetë morën pjese në protestat kundër vendimit jo popullor të Macron për të rritur me dy vjet moshën e daljes në pension. Policia përdori gazlotsjellës kundër protestuesve që hidhnin bomba tymosëse.
Sindikatat mendojnë se qindra mijëra njerëz, e ndoshta edhe një milion mund ti bashkohen manifestimit mbarëkombëtar për të treguar se nuk e kanë braktisur luftën kundër reformës në pensione.
Qarkullimi ajror pritet të preket nga protestat, me 25-33 përqind të fluturimeve që do të anulohen në aeroportet më të mëdha. Në aeroportin e Orli’ problemet mund të vijojnë edhe përgjatë së martës.
Protesta priten edhe në vende të tjera europiane, të tillë si Portugalia, ku muajin e kaluar dhjetëra mijëra mësues dolën nëpër rrugë për të kërkuar paga më të larta.
Në Greqi, demonstratat mbi aksidentin hekurudhor, ku u vranë 57 persona në muajin shkurt, pritet të rikthehen fuqishëm. (A2 Televizion)
A2 CNN Livestream
MUND TE LEXONI GJITHASHTU
