Sekretari i Përgjithshëm i Partisë Socialiste, Damian Gjiknuri, refuzoi të përjashtonte mundësinë që Fatos Nano mund të ishte një nga kandidaturat e propozuara për t’u bërë President i Republikës.
“Nuk jam këtu që të komentoj emra të përveçëm. Natyrshëm të gjithë kanë shanse”, tha Gjiknuri në një konferencë për mediat. “Ne nuk kërkojmë të jetë nga grupi ynë parlamentar, por që ka figura që kanë dhënë kontribut në shoqërinë shqiptare. Asnjë nuk është i përjashtuar, përfshi edhe emri në fjalë”.
Gjiknuri quajti absurd një propozim të dalë nga një mbledhje e deputetëve të Partisë Demokratike një ditë më parë, që në procesin e zgjedhjes së presidentit të përfshiheshin edhe ndërkombëtarët. “Nuk besoj se është me vend që të përfshihen ambasadorët, kur palët flasin shqip. Më duket absurde”, tha ai. (A2 Televizion)
A2 CNN Livestream
MUND TE LEXONI GJITHASHTU
