Ekipi i Flamurtarit të femrave vazhdon traditën e saj teksa edhe këtë edicion fitoi Kupën e Shqipërisë. Vlonjatet mposhtën në finale ekipin e Partizanit në një ndeshje të bukur dhe që dhuroi shumë emocione.
Fillimi ishte më i mirë për skuadrën e kuqe që mbylli periodën e parë në avantazhin 26-13. Edhe në periodën e dytë, Partizani e mbajti avantazhin, por vlonjatet shkurtuan diferencat me 4 pikë dhe dy ekipet shkuan në pushim me rezultatin 38-34.
Në periodën e tretë, kryeqytetaset u ndëshkuan nga gabime individuale dhe aty ndodhi dhe përmbysja e madhe.
Ekipi nga Vlora nuk ndaloi së luftuari dhe u tregua më e saktë në aksionin e fundit duke përfituar dhe nga një gabim i skuadrës së kuqe.
Në fund skuadra e Elona Hasanaj triumfoi me një pikë diferencë dhe gjithçka u mbyll me rezultatin final 74-73. Një sukses i merituar për vajzat vlonjate që tani fokus kanë kampionatin dhe ligën unike dy kompeticione që udhëheqin në krye të tabelës. (A2 Televizion)
A2 CNN Livestream
MUND TE LEXONI GJITHASHTU
