Si asnjëherë më parë, mjekët e familjes po përballën më një fluks të pazakontë pacientësh. Omicron, varianti më ngjitës i koronavirusit po prek të gjitha moshat, duke infektuar të pavaksinuar, të vaksinur si dhe persona që e kanë kaluar njëherë sëmundjen.
Pjesa më e madhe e të sëmurëve që i drejtohen qendrave shëndetësore me shenja të gripit rezultojnë pozitiv me koronavirus. Përhapja e shpejtë e Omicron po prek në masë edhe të vegjlit.
1 në 2-3 fëmijë të sëmurë që i drejtohen mjekut këto ditë dalin pozitiv me koronavirus.
Për të ulur fluksin e lartë të urgjencave në pediatrinë e QSUT, 4 qendra shëndetësore në Tiranë janë kthyer në shërbim 24 orësh për të pacientet e vegjël.
Varianti Omicron po bëhet gjithnjë e më dominues ndaj Deltës dhe virozave të stinës. Për fat të mirë fëmijët dhe të vaksinuarit thonë mjekët po e kalojnë si grip. Por edhe shifrat e shtrimeve në spital nuk kanë ndryshuar pavarësisht valës së variantit Omicron. (A2 Televizion)
A2 CNN Livestream
MUND TE LEXONI GJITHASHTU
