Shefja e FMN, Kristalina Georgieva deklaroi ditën e enjte se qeveritë përreth botës kanë shpenzuar më shumë se 10 trilionë dollarë për të përballuar situatën e krijuar nga pandemia dhe pasojat ekonomike të saj.
Sipas Georgieva-s, bota duhet të bëjë ende më shumë për të përballuar pandeminë dhe paralajmëroi se 100 milionë persona të tjerë mund të shtyhen drejt varfërisë ekstreme.
Drejtuesja e Fondit Monetar Ndërkombëtar tha se ishte një lajm i mirë që qeveritë kanë ndërmarrë masa të jashtëzakonshme për të shpëtuar jetë dhe mënyrën e jetesës, por shtoi se kriza po shton më shumë dhimbje për ata që janë më nevojtarë.
Ajo argumentoi se duhet ende stimuj financiarë nga buxhetet e qeverive, duke përfshirë këtu dhe sistemin shëndetësor për të minimizuar situata të ngjashme në të ardhmen. (A2 Televizion)
A2 CNN Livestream
MUND TE LEXONI GJITHASHTU
