Qeveria e Francës është e vendosur të çojë përpara ligjin që lufton praktikat që shkojnë kundër me vlerat e republikës, si martesat me forcë dhe testet e virgjërisë. Megjithatë kundërshtarët thonë se ligji rrezikon që të zemërojë disa anëtarë të komunitetit mysliman.
Kryeministri, Jean Castex, u tha reporterëve se ligji do t’u japë autoriteteve mjetet e nevojshme për të luftuar ndërmarrjet politike dhe ideologjike që shkojnë kundër vlerave dhe sovranitetit.
Madje nënvizoi sendonjëherë shkojnë deri në akte kriminale. Kabineti zyrtarisht mbështeti projekligjin, duke e çuar atë në dhomën e ulët të parlamentit, ku aprovimi nuk paraqetproblem pasi qeveria dhe aleatët kanë shumicën e përfaqësuesve.
“Ky projektligj nuk është as një tekst kundër feve dhe as kundër myslimanëve në veçanti. Përkundrazi, është një ligj i lirisë dhe i mbrojtjes. Është një ligj i emancipimit përballë fondamentalizmit fetar dhe më përgjithësisht, përballë të gjitha ideologjive dhe shtrembërimeveqë ndjekin të njëjtat synime.”, tha kryeministri francez Jean Castex.
Debati rreth këtij ligji është bërë edhe më i nxehtë që prej 16 tetorit, pas vrasjes makabretë një mësuesi, i cili u shfaqi nxënësve të tij karikaturat e profetit Muhamedgjatë një mësimi për lirinë e shprehjes.
Zyrtarët francezë theksojnë se ligjet aktuale nuk janë të mjaftueshme për të lejuar policinë që të sanksionojë sjellje që nuk janë plotësisht kriminale por që shkelin vlerat e republikës.
Projektligji parashikon sanksione ndaj personave që bëjnë apel për akte dhune nëinternet, dëbimin e shtetasve të huaj që kanë disa gra dhe ata që edukojnë fëmijët e tyre jashtë shkollave të certifikuara nga shteti, apo edhe në mënyrëautodidakte në shtëpi. Gjithashtu ndalon fondet e huaja për komunitetet fetare në Francë. (A2 Televizion)
A2 CNN Livestream
MUND TE LEXONI GJITHASHTU
