Gjykata Speciale në Hagë vijoi gjyqin ndaj ish krerëve të Ushtrisë Çlirimtare të Kosovës me dyer të mbyllura për publikun, për të tretën ditë radhazi.
Ende po shqyrtohen deklaratat e dëshmitares së parë, ndërsa në të gjithë procesin, Prokuroria Speciale ka regjistruar mbi 300 dëshmitarë. Në nisje të seancës së sotme, avokati i Rexhep Selimit, kërkoi që të pranohej si provë një kallëzim penal që u diskutua në seancën e kaluar.
Por atë e rrëzuan prokuroria dhe trupi gjykues. Ish krerët e UÇK-së, Hashim Thaçi, Kadri Veseli, Jakup Krasniqi e Rexhep Selimi, ndaj të cilëve rëndojnë 10 akuza për krime lufte dhe kundër njerëzimit, po e ndjekin procesin gjyqësor me prezencë fizike në Hagë dhe kanë refuzuar të gjitha pretendimet ndaj tyre.
Qëndrimi shumë i gjatë në paraburgim, për mbi 2 vite, ka ndikuar në gjendjen shëndetësore të tyre. Këtë e konfirmon kërkesa e mbrojtjes së Krasniqit, që ish zëdhënësi i UÇK të largohet nga salla, pas raporton probleme shëndetësore. (A2 Televizion)
A2 CNN Livestream
MUND TE LEXONI GJITHASHTU
