Madonna do të festojë 40-vjetorin e këngës së saj të famshme, Holiday, duke nisur turneun e saj të parë të hiteve më të mira. Turneu do të nisë në Amerikën e Veriut dhe Evropë duke filluar këtë verë dhe do të përfshijë 38 këngë në Billboard Hot 100.
Ikona e popit do të performojë muzikë nga e gjithë karriera e saj. Duke njoftuar turneun e ri, ylli i muzikës tha: "Jam e emocionuar të eksploroj sa më shumë këngë të jetë e mundur, me shpresën që t'u jap fansave të mi shfaqjen që kanë pritur".
"Madonna: The Celebration Tour" do të nisë më 15 korrik në Rogers Arena në Vancouver, British Columbia, me ndalesa në Detroit, Çikago, Nju-Jork, Miami, Los Anxhelos, Denver, Atlanta dhe Boston dhe do të përfundojë më 7 tetor në Las Vegas.
Më pas, do të vijojë në Europë, ku ka 11 takime gjatë gjithë vjeshtës, përfshirë Londrën, Barcelonën, Parisin, Berlinin, Milanon dhe Stokholmin. Turneu do të përfundojë në Amsterdam, më 1 dhjetor.
Këngëtarja 63-vjeçare do të nxjerrë në pah katalogun e saj të muzikës në 40 vitet e fundit dhe një respekt i veçantë do t'i kushtohet qytetit të Nju-Jorkut, ku filloi karriera e saj në muzikë. (A2 Televizion)
A2 CNN Livestream
MUND TE LEXONI GJITHASHTU
