"Homoseksualiteti, një nga krimet më të tmerrshme"

Arabia Saudite e ka shpallur homoseksualitetin “një nga krimet më të tmerrshme” dhe i konsideroi homoseksualët “një turp për botën tonë dhe atë të përtejme”.

Në një deklaratë për shtyp, Myftiu i Madh Abdulaziz al-Sheikh tha se Mbretëria e Arabisë Saudite “refuzon kategorikisht homoseksualitetin”, në një kohë që Riadi po përpiqet të ndryshojë imazhin e tij ultrakonservator.

Komentet e myftiut erdhën pasi ambasadori saudit në Kombet e Bashkuara, Abdallah al-Mouallimi, u ankua për një draft të Asamblesë së Përgjithshme mbi demokracinë, që përfshinte termat “orientim seksual dhe identitet gjinor”.

“Të drejtat e njeriut, fillimisht janë të parashikuara në ligjet e perëndisë dhe jo në dëshirat perverse që po korruptojnë Tokën”, thuhet në deklaratë.

Arabia Saudite është një nga vendet që dënon më shumë personat homoseksualë. (A2 Televizion)