Ambasadori i Shteteve të Bashkuara të Amerikës në Kosovë, Jeffrey Hovenier, ka folur për mediat pas takimit me presidenten e Kosovës, Vjosa Osmani.
Në reagimin e tij, kryediplomati amerikan theksoi nevojën për qetësimin e situatës në veri.
Ndërkohë ai ritheksoi po ashtu qëndrimin se SHBA dënon veprimet e dhunshme të autoriteteve të Kosovës për hyrë në ndërtesat komunale në veri.
Kujtojmë se Hovenier gjatë ditës është takuar edhe me dy kryetarët e komunave, të Zveçanit dhe atë të Zubin Potokut, Ilir Pecin dhe Izmir Zeqirin.
Mëngjesin e sotëm, grupe qytetarësh serbë janë mbledhur para objekteve komunale në Zveçan, Zubin Potok e Leposaviç, për të kundërshtuar hyrjen e kryetarëve të rinj shqiptarë. Mes tyre, sipas raportimeve, ka pasur edhe njerëz me maska, e për të cilët Instituti Octopus ka ngritur shqetësimet se mund të jenë të gatshëm për sulme terroriste.
Policia e Kosovës dhe paqeruajtësit e KFOR-it kanë shtuar praninë, ndërkohë që serbët në Zveçan kanë hedhur gaz lotsjellës në drejtim të pjesëtarëve të institucionit të sigurisë së Kosovës. (A2 Televizion)
A2 CNN Livestream
MUND TE LEXONI GJITHASHTU
