Policia e Fierit ka arrestuar një 47-vjeçar në fshatin Pishë të Fierit, pasi i hyri në shtëpi me sëpatë në dorë një çifti të moshuarish për t’i grabitur.
“Shërbimet e Komisariatit të Policisë Fier pas telefonatës së marrë rreth orës 23:00, se në fshatin Pishë të Fierit kishte ndodhur një vjedhje me dhunë, menjëherë kanë shkuar në vendngjarje së bashku me grupin hetimor. Policia bëri të mundur identifikimin e autorit dhe pas disa orë ndjekjeje dhe kërkimesh bëri të mundur lokalizimin, kapjen dhe arrestimin në flagrancë të shtetasit P. Dh., 47 vjeç, banues në Pishë”, lexohet në komunikatën e policisë.
Sipas policisë, 47-vjeçari është futur me forcë duke thyer derën e banesës së shtetasit V. P., 70 vjeç, dhe nën kërcënimin e sëpatës ka arritur të marrë me dhunë 30 mijë lekë të reja dhe më pas është larguar. (A2 Televizion)
A2 CNN Livestream
MUND TE LEXONI GJITHASHTU
