Në vizitën në inceneratorin e Tiranës, anëtarët socialistë të komisionit hetimor zgjodhën të mos debatojnë me opozitën, teksa ndryshe nga herët e tjera, inspektimin e bënë pa praninë e kamerës, ndërsa komunikimin e patën vetëm me përfaqësuesin e firmës.
Inspektimi i inceneratorit të Tiranës bëri bashkë demokratët, pavarësisht problemeve të brendshme partiake. Në përfundim të inspektimit, Tabaku nxori dhe konkluzionet e vizitës në incineratorin e Tiranës: “Këtu nuk kryhet incenerim. Mund të ketë bojatisje, mund të ketë kodra me pemë...”.
Më herët, në mbledhjen e Komisionit Hetimor për Inceneratorët, Tabaku akuzoi Felajn për konflikt interesi, gjë që u mohua nga socialistja.
Javën e ardhshme, në Komisionin Hetimor pritet të nisë faza e dëshmive, ku 28 qytetarë, mes tyre dhe kryeministri Edi Rama, do të merren në pyetje nga anëtarët për çështjen e inceneratorëve. (A2 Televizion)
A2 CNN Livestream
MUND TE LEXONI GJITHASHTU
