Duffy ka zbuluar me anë të një postimi në Instagram, se është përdhunuar, droguar dhe mbajtur peng për disa ditë.
Këngëtarja e famshme uellsiane shkroi: “Shumë prej jush kanë pyetur veten se ku jam zhdukur, apo çfarë ka ndodhur me mua. E vërteta është se jam përdhunuar, droguar dhe mbajtur peng për disa ditë. Kam mbijetuar dhe rekuperimi ka kërkuar kohën e vet”.
Duffy theksoi se në ditët në vazhdim do të japë një intervistë, për të shpjeguar gjithçka.
“Javët e ardhshme do të postoj një intervistë. Shpresoj që pyetjeve tuaja t’i përgjigjem në atë intervistë nëse mundem”, shkruan Duffy.
Albumi i fundit i Duffy-it, "Endlessly", është publikuar në vitin 2010. (A2 Televizion)
A2 CNN Livestream
MUND TE LEXONI GJITHASHTU
