Eksperti për ekonominë Bardh Sejdarasi, tha në A2 Business se komisioni hetimor parlamentar i ngritur për inceneratorët, e ka dëmtuar hetimin. “Aktorët që merreshin në pyetje dëgjonin njëri-tjetrin përmes ekranit dhe ajo që nuk duhet të ndodhte në këtë komision ishte hartimi i dy raporteve paralele, të cilat e kanë dëmtuar hetimin. Kjo çështje duhet ë kishte një hetim të mbyllur dhe profesional, dhe kjo nuk u bë”, tha Sejdarasi.
Kryetarja e këtij komisioni, Jorida Tabaku, tha se zoti Sejdarasi është në konflikt interesi. “Ai ka qenë këshilltar në Ministrinë e Financave. Ministria e Financave është përgjegjëse kryesore dhe e kuptoj shqetësimin e zotit Sejdarasi”, tha ajo.
“Unë kam qenë këshilltar i ministrit Shkëlqim Cani, dhe ju e dini shumë mirë se çfarë ka bërë me inceneratorët. Raporti i drejtorisë së hetimit financiar është raporti më i saktë që është bërë për këtë çështje dhe pas të cilit ministri nuk e firmosi raportin. Komisioni juaj ka qenë tërësisht butaforik, me deputetë që vetëm kanë trashur zërin dhe nuk ka pasur profesionalizëm”, iu përgjigj Sejdarasi. (A2 Televizion)
A2 CNN Livestream
MUND TE LEXONI GJITHASHTU
