Gentian Malindi, biznesmeni nga Durrësi i shpallur në kërkim ndërkombëtar, do të vazhdojë me të njëjtën masë sigurimi, atë të arrestit me burg.
Gjykata e Apelit e Krimeve të Rënda nuk ndryshoi masën e sigurisë për Gentian Malindin, i dyshuar për trafikimin e 137 kg kokainë me kontejnerë të nisur nga Ekuadori në portin e Pireut. Në proces, Malindi mbrohet nga babai i tij avokat, i cili tha se djali i tij do të dorëzohet së shpejti: "Po, do të dorëzohet kur të plotësohen provat dhe ne të bëjmë dorëzimin e kërkesës penale për falsifikim e shpërdorim detyre ndaj Ardi Veliut, drejtorit të policisë dhe një oficeri policie. Kur të vërtetohen këto, do të nxjerr djalin të japë deklarime e të arrestohet pastaj. Nuk është pyetur akoma Altin Myslihaka, do bëhet ballafaqimi".
Më 19 shtator 2019, në Portin eDurrësit u kapën 4 kontejnerë të nisur nga Ekuadori ku ishte fshehur 137 kilogramë kokainë. Autoritetet amerikane dhe policia greke zbuluan ngarkesën në Portin e Pireut dhe para mbërritjes së saj në Shqipëri zëvendësuan kokainën duke mbushur pakot me oriz.
Në arrest përfunduan punonjësit e
portit, Ardian Bega dhe Altin Myslihaka. Prokurorët thanë se kanë nisur letërporosi
në Greqi për të marrë informacion mbi çdo lëvizje dhe të dhënë të rrjetit të
trafikut.
(A2 Televizion)
A2 CNN Livestream
MUND TE LEXONI GJITHASHTU
