Komisioni i Disiplinës në Federatën Shqiptare të Futbollit ka ndëshkuar me 100 mijë lekë gjobë skuadrën e Partizanit për dështim në përmbushjen e detyrimeve dhe përgjegjësive në ndeshjen ndaj Vllaznisë.
Ndërkohë, për protestë ndaj arbitrit është pezulluar me dy ndeshje zyrtari i FK Partizani, Reinaldo Kalari, ndërsa trajneri Ilir Daja, për sjellje jo sportive është paralajmëruar se në rast të përsëritjes do të jetë subjekt i masave disiplinore që parashikon Kodi i Disiplinës Sportive dhe Rregulloret e FSHF.
Në ndeshjen e fundjavës së kaluar, Partizani u mund 0-1 në Tiranë nga Vllaznia, me një gol të shënuar nga penalltia, për të cilën u diskutua gjatë nëse ishte apo jo vendim i duhur nga arbitri Enea Jorgji. (A2 Televizion)
A2 CNN Livestream
MUND TE LEXONI GJITHASHTU
