Kremlini i kërkon fituesit të Nobelit për Paqe, të mos pranojë çmimin

Nga A2 CNN
10 Dhjetor 2022, 16:43 | Bota
Kremlini i kërkon fituesit të Nobelit për Paqe, të mos

Bashkëfituesi i Nobelit për Paqen në Rusi deklaron se autoritetet në Kremlin i kanë kërkuar të mos shkojë në ceremoninë e marrjes së çmimit dhe madje ta refuzojë atë.

Shefi i organizatës “Memorial”, Yan Rachinsky tregon se arsyeja se përse i është kërkuar të mos e pranojë çmimin është për shkak të dy fituesve të tjerë që janë një organizatë për të drejtat e njeriut në Ukrainë dhe një kritik i regjimit në Bjellorusi.

“Memorial” është një nga organizatat më të vjetra për të drejtat e njeriut në Rusi, e cila u mbyll nga autoritetet ruse vitin e kaluar.

Gjatë një interviste për mediat perëndimore, Rachinsky shprehet se ka marrë një paralajmërim që askush nga organizata të mos e thyejë urdhrin e Kremlinit, por shton se nuk e ka marrë për bazë atë.

Ai shton se pavarësisht kërcënimeve, nuk do të tërhiqet nga misioni. (A2 Televizion)

A2 CNN Livestream

Latest Videos