Juventus zyrtarizon krizën. Pas barazimit me Salernitanën dhe humbjes me Benfica në shtëpi, ekipi i Max Allegrit u mund në transfertë me rezultatin 1-0 nga Monza, skuadër që provon për herë të parë shijen e fitores në Serinë A.
Danezi Gytkjaer ishte heroi i ndeshjes, me golin që e shënoi në minutën e 74-t të ndeshjes.
Juventus e luajti të gjithë pjesën e dytë me një lojtar më pak, pas kartonit të kuq që Angel Di Maria mori në fundin e pjesës së parë, për një goditje të qëllimshme me bërryl ndaj kundërshtarit.
Në ndeshjet e tjera të drekës në Serinë A, Lazio fitoi 4-0 ndaj Cremonese, ndërsa Fiorentina 1-0 ndaj Verona. (A2 Televizion)
A2 CNN Livestream
MUND TE LEXONI GJITHASHTU
