Kukësi nuk ka shkuar dot më shumë sesa një barazim pa golë në Durrës, ndaj Teutës.
Edhe pse patën raste të pastra për shënim, ku spikat rasti i Basës i cili goditi shtyllën me portën e boshatisur, bënë që miqtë të largohen pa fitore nga fusha e Teutës.
Kukësit iu anuluan gjithashtu edhe dy gola në pjesën e parë për pozicion jashtë loje, ndërsa edhe Teuta goditi shtyllën po në këtë fraksion loje.
Verilindorët, të cilët renditen në vendin e dytë (24 pikë), me këtë hap fals i japin mundësinë Tiranës që nesër, nëse fiton ndaj Laçit në transfertë, të shkëputet 6 pikë në krye të klasifikimit.
Ndërkohë, Teuta ka grumbulluar 18 pikë në 13 javë kampionat, duke u renditur në vendin e pestë të klasifikimit. (A2 Televizion)
A2 CNN Livestream
MUND TE LEXONI GJITHASHTU
