Gjykata e Tiranës caktoi të hënën masat e sigurisë për 87 personat e arrestuar në kryeqytet gjatë operacionit “Fati i lojërave”.
Pas një seance maratonë që nisi në orën 09:00 dhe përfundoi në 23:00, gjykata vendosi të lerë në qeli 55 prej tyre. Për 27 të tjerë u caktua masa e “arrestit në shtëpi” ndërsa 5 të tjerë u lanë në “detyrim paraqitje”.
Mes të izoluarve në qeli ishte edhe Gramoz Murataj, i dyshuar si organizator në veprimtarinë e jashtëligjshme të lojërave të fatit në kryeqytet. Gjatë seancës, ai mohoi akuzat duke pretenduar se kishte vetëm një “call center” dhe jo pikë për lojëra fati.
Të dyshuarit e kësaj dosje akuzohen për “përshtatje të ambienteve për zhvillimin e lojërave të fatit”, “pastrim parash” dhe “fshehjen e të ardhurave”. Në total gjatë këtij operacioni u prangosën 115 persona. (A2 Televizion)
A2 CNN Livestream
MUND TE LEXONI GJITHASHTU
