Pesë persona janë dërguar me urgjencë në spital në Londër, pasi një makinë hipi në trotuar dhe u përplas me këmbësorët në pjesën Lindore të qytetit këtë mëngjes, para se të përplasej me një pemë në trotuar.
Të lënduarit morën trajtim të gjithë në anë të rrugës në zonën Stamford Hill të Hackney, para se katër prej tyre të dërgoheshin në një njësi kryesore të traumës dhe njëri u dërgua në spital me ambulancë.
Dhjetëra automjete të shërbimit të urgjencës shkuan në vendin e ngjarjes rreth orës 09:37 të mëngjesit.
Mediat britanike raportojnë se Scotland Yard nuk po e trajton ngjarjen si një sulm terrorist në këtë fazë dhe nuk ka bërë asnjë arrestim, por hetimet po vazhdojnë.
“Një makinë raportohet se ka hipur në trotuar dhe ka goditur disa këmbësorë. Në këtë fazë të hershme, ky incident nuk po trajtohet i lidhur me terrorizmin”, tha një zëdhënës i Policisë Metropolitane. (A2 Televizion)
A2 CNN Livestream
MUND TE LEXONI GJITHASHTU
