Maradona 16-vjeçar kur luante me Boca Juniors në vitin 1977, pasi kishte debutuar në futbollin profesionist me Argentinos Juniors një vit më parë. Pak muaj më vonë debutoi edhe me kombëtaren. 
Maradona feston mbi supet e shokëve të skuadrës fitoren e Botërorit të të rinjve me Argjentinën në vitin 1979. 
Maradona, në shtëpinë e tij në Buenos Aires në vitin 1980. Që në fillimet e karrierës së tij njihej si “El Pibe de Oro” – “Djali i artë”. 
Maradona feston me tifozët pasi fitoi titullin kampion me Boca juniors në vitin 1981. Një vit më vonë u shit për shifër rekord te Barcelona. 
Maradona, duke luajtur me Barcelonën, driblon lojtarët e Manchester United. 
Maradona u martua me Claudia Villafañe në vitin 1984. Patën dy vajza, para se të divorcoheshin në vitin 2004. 
Gjatë çerekfinales së Botërorit 1986 kundër Anglisë, Maradona kërcen mbi portierin Peter Shilton dhe shënon me dorë. Goli duhej anuluar, por arbitri nuk e bëri këtë. Më vonë, Maradona do të thoshte: “E godita topin pak me kokë dhe pak me dorën e Zotit”. 
Në të njëjtën ndeshje kundër Anglisë, Maradona shënoi një tjetër gol, që do të hynte në histori si goli i shekullit. Pasi u nis nga gjysmëfusha e tij, ai dribloi një numër të madh lojtarësh i vetëm e më pas dërgoi topin në rrjetë. 
Maradona dhe Pele me trofetë e çmimeve “Oscar” për sportin në vitin 1987. Në vitin 2000, të dy u vlerësuan bashkarisht nga FIFA si “Lojtari i shekullit”. 
Maradona lidh këpucët para një ndeshjeje miqësore me Gjermaninë Perëndimore në vitin 1987. 
Maradona me dy vajzat e tij, Dalma dhe Giannina në vitin 1989. 
Maradona feston një gol të shënuar nga shoku i skuadrës në Botërorin 1990. Argjentina arriti për herë të dytë rresht në finale, por këtë herë u mund nga Gjermania Perëndimore 1-0. Në vitin 1986 kishte fituar 3-2. 
Maradona luajti në vitin 1994 Botërorin e katërt, por jo për shumë gjatë. 
Maradona flet për mediat pasi Argjentina e largoi nga skuadra gjatë Kupës së Botës 1994. Pak orë para ndeshjes së fundit të fazës së grupeve, u zbulua se ai kishte përdorur efedrinë, një substancë të ndaluar. Në vitin 1991 Maradona doli pozitiv në testin e përdorimit të kokainës dhe u pezullua nga futbolli për 15 muaj. 
Maradona, me bashkëshorten Claudia, dhe dy vajzat, duke festuar ditëlindjen e 35-të. 
Maradona puth shokun e skuadrës te Boca Juniors, Claudio Caniggia, pas një goli të shënuar kundër River Plate në vitin 1996. 
Maradona flet me presidentin e Kubës, Fidel Castro, në vitin 2005. 
Maradona luan me topin në Festivalin e Kanës në vitin 2008. 
Maradona, trajner i Argjentinës, në Kupën e Botës 2010. 
Maradona feston një gol të skuadrës së tij, në Botërorin 2010. Argjentina do të eliminohej në çerekfinale, kundër Gjermanisë. 
Maradona flet me Lionel Messi-n në Kupën e Botës 2010. 
Maradona takohet me Papa Françeskun në vitin 2014. 
Maradona ndjek Argjentinën si tifoz në Botërorin 2018 në Rusi. 
Maradona përshëndet tifozët në Buenos Aires, pas një takimi me presidentin Alberto Fernandez në vitin 2019. 
Puna e fundit si trajner i Maradonës ishte me klubin argjentinas Gimnasia y Esgrima. Foto e realizuar në janar 2020. 
Një mural kushtuar legjendës Maradona, në San Justo, Argjentinë, tetor 2020. 
Napoli kujton idhullin e tij
Diego Armando Maradona, një ikonë e futbollit, i dashuruar nga miliona vetë në të gjithë globin, ndërroi jetë të mërkurën në Meksikë, pak ditë pasi i ishte nënshtruar një operacioni në tru. Kapiteni i Argjentinës që fitoi Kupën e Botës në vitin 1986, jeta e të cilit brenda dhe jashtë fushës së blertë nuk ishte asnjëherë e zakonshme. (A2 Televizion)
