Megjithëse paguhen qindra-milionë euro për menaxhimin e mbetjeve, një pjesë e mirë për incineratorët, pjesa më e madhe e tyre nuk mirëmenaxhohen. Është ky përfundimi i Bankës Botërore, e cila në raportin e publikuar, pak ditë më parë, dikton se 70 për qind e mbetjeve në vend, nuk menaxhohen si duhet.
“Ne e kemi pranuar faktin që nuk do të ketë ndërtime të landfilleve të reja, siç parashikon edhe BE-ja, por kemi pranuar edhe faktin që mbetjet duhet të trajtohen sipas një hierarkie të tillë ku ne synojmë reduktimin, riciklimin, rikuperimin e energjisë, e më pas është incenerimi. Në këto kushte, mënyra sesi kemi vendosur t’ia adresojmë është duke ndërtuar inceneratorë”, thotë eksperti për mjedisin, Rodion Gjoka.
Sipas vlerësimeve të Bankës Botërore, Shqipëria duhet të krijojë një model ekonomik të ndërgjegjshëm për mbrojtjen e mjedisit dhe më të fortë për menaxhimin e mbetjeve, duke nisur që nga pushteti vendor.
“Planifikimi buxhetor që bashkia duhet të bëjë është goxha ineficient”, thotë Gjoka. “Sepse buxheti është ai që e materializon një plan të miratuar. Në këto kushte, menaxhimi i mbetjeve në Shqpëri qëndron i njëjtë prej gati 30 vitesh, ku rrymat nuk ndahen, as në burim, as në depozitim dhe si rrjedhojë ato klasifikohen si mbetje, ndërkohë që janë lëndë e parë dhe burgim ekonomik”.
Problemi 30-vjeçar i menaxhimit të mbetjeve në vend, u duk sikur do të merrte fund me mbylljen e venddepozitimeve të paligjshme dhe ndërtimin e incineratorëve, por objektivi “Për një Shqipëri të pastër” duket ende larg. (A2 Televizion)
A2 CNN Livestream
MUND TE LEXONI GJITHASHTU
