Angli është finalistja e parë e Kampionatit Europian të 21-vjeçarëve, i cili po zhvillohet në Gjeorgji dhe Rumani.
Shpresat e “Tre Luanëve” mposhtën në gjysmëfinale Izraelin pa shumë vuajtje. Që në nisje të ndeshjes epërsia e anglezëve ishte e dukshme. Edhe pse humbën një penallti në minutat e para, ata e mbyllën pjesën e parë në avantazh e një goli. Ndërkohë sulmet nuk u ndalën as në pjesën e dytë në drejtim të portës së Izraelit, i cili thuajse në asnjë moment nuk u tregua i rrezikshëm në këtë sfidë. Anglezët shënuan edhe dy herë të tjera duke e vulosur suksesin e tyre në 3-0.
Tashmë mbetet për t’u parë sesi do të shkojë gjysmëfinalja tjetër mes Francës dhe Ukrainës për të mësuar finalisten tjetër të këtij kompeticioni. (A2 Televizion)
A2 CNN Livestream
MUND TE LEXONI GJITHASHTU
