Kosova është kundër Mini Shengenit Ballkanik. Idenë e nisur në Serbi nga Presidenti Aleksandar Vucic, Kryeministri shqiptar, Edi Rama dhe ai i Maqedonisë së Veriut, Zoran Zaev, Prishtina e konsideron të dëmshëm si në aspektin ekonomik, ashtu edhe në atë politik.
Kryetari i Dhomës së Tregtisë, Skënder Krasniqi, i kërkon Qeverisë së ardhshme të Kosovës që të rishikojë marrëveshjet e CEFTA-s dhe MSA-së, pasi sipas tij kanë dëmtuar dhe shkatërruar prodhimin vendas. “Kosova nuk ka përfituar asgjë nga këto marrëveshje, përkundrazi ka pësuar dëme të jashtëzakonshme”, thotë Krasniqi.
Lëvizja Vetëvendosje, që fitoi zgjedhjet e 6 tetorit, i kërkon Shqipërisë që ta shikojë Serbinë me sytë e Kosovës, dhe dakordësinë për Mini Shengenin Ballkanin e konsideron të gabuar. “Ne e kemi kundërshtuar këtë dakordësim të tyre, kemi pasur edhe qëndrime nga organizata jonë që vepron në Republikën e Shqipërisë. Besojmë se kjo është në kundërshtim me interesat e Kosovës, prandaj edhe nuk e kemi mbështetur”, tha Albulena Haxhiu, nga Lëvizja Vetëvendosje.
Edhe njohësit e çështjeve ekonomike të Kosovës, janë kundër Mini Shengenit Ballkanik. “Përderisa nuk e kemi një kontroll nga ana e Bashkimit Europian, ne jemi shtete shumë të brishta që nuk e kemi të largët historinë e kaluar të konfliktit”, u shpreh analisti Mustafë Kadriaj.
Gjatë takimit të Novi Sadit, Vuçiç, Rama dhe Zaev u dakordësuan që brenda vitit 2021 të eliminojnë kontrollet kufitare dhe pengesat e tjera të lëvizjes së lirë brenda rajonit. (A2 Televizion)
A2 CNN Livestream
MUND TE LEXONI GJITHASHTU
