Ministrat e Punëve të Jashtme të Maqedonisë së Veriut dhe Bullgarisë, Bujar Osmani dhe Teodora Gençovska, nënshkruan në Sofje protokollin dypalësh pas mbledhjes së komisionit të përbashkët ndërqeveritar.
Protokolli i nënshkruar parasheh procedurat dhe dinamikën e kapërcimit të dallimeve mes dy vendeve që janë pjesë e propozimit francez. Përmbajtja e protokollit nuk është publikuar ende.
Përveç ministrit Osmani, në delegacionin e Maqedonisë ishin edhe zëvendëskryeministri për çështje evropiane Bojan Mariçiq, ministrja e Kulturës Bisera Kostadinovska Stojçevska, ministri i Ekonomisë Kreshnik Bekteshi, si dhe ministri i Transportit dhe Lidhjeve, Blagoj Boçvarski.
Nënshkrimi i protokollit dhe mbajtja e mbledhjes së komisionit ndërqeveritar vjen pasi propozimi francez u miratua mbrëmë nga qeveria maqedonase pas miratimit të konkluzioneve në Kuvend. (A2 Televizion)
A2 CNN Livestream
MUND TE LEXONI GJITHASHTU
